কৰোণা ভেকচিনৰ ললেনে ? ভেকচিনৰ আগত বা পিছত কি কি সাৱধানতা অৱলম্বন কৰিব জানো আহক । Precautions after and before taking the COVID vaccine

কৰণা মহামাৰীৰ প্ৰতিষেধক হিচাপে ভাৰতবৰ্ষত এতিয়ালৈকে ১.৬ কোটিৰো অধিক লোকক ভেকচিন প্ৰদান কৰা হৈছে। ইতিমধ্যে আমাৰ অসমতো কৰণা ভেকছিন প্ৰদানৰ কাম আৰম্ভ হৈছে । আমাৰ ভাৰতত এতিয়ালৈ ভেকচিনৰ ফলত তেনে কোনো গম্ভীৰ পাৰ্শ্বক্ৰিয়াৰ খৱৰ অহা নাই যদিও  কিছুমান লোকে মৃদু পাৰ্শ্বক্ৰিয়াৰ অভিযোগ দিয়া দেখা গৈছে । অৱশ্যে, এনে লোকৰ সংখ্যাও অতি কম। ভাৰতত ব্যৱহৃত দুয়োটা ভেকছিন সম্পূৰ্ণৰূপে সুৰক্ষিত, কিছুমান ক্ষেত্ৰত কেৱল কৰণা ভেকছিনবোৰই  নহয়, আন যিকোনো ভেকছিন ললে সামান্য পাৰ্শ্বক্ৰিয়া হোৱাৰ সম্ভাৱনা থাকে । যদি আপুনি কৰণা ভেকছিন লোৱাৰ কথা ভাবি আছে তেন্তে ভেকছিন লোৱাৰ আগত আৰু পিছত কি কি সাৱধানতা অৱলম্বন কৰিব লাগে জানি লওঁ আহক ।   

ভেকছিন গ্ৰহণ কৰাৰ আগতে কি কৰিব  

• যদি আপোনাৰ ঔষধৰ প্ৰতি এলাৰ্জি আছে, কৰোনা ভেকছিন গ্ৰহণ কৰাৰ আগতে আপোনাৰ চিকিৎসকৰ পৰামৰ্শ লোৱাটো প্ৰয়োজনীয় । 
• কৰোনা ভেকছিন গ্ৰহণ কৰাৰ আগত ভালদৰে খাওক আৰু টিকাকৰণৰ আগতে ভৰপূৰ টোপনি লওক । যিমান সম্ভৱ আৰাম কৰিবলৈ চেষ্টা কৰক।  
• ডায়েবেটিচ বা ৰক্তচাপ থকা লোকসকলে সেইবোৰ নিয়ন্ত্ৰণ কৰিব লাগিব। 
• কৰ্কট ৰোগী আৰু বিশেষকৈ কেমোথেৰাপী কৰা লোকসকলে চিকিৎসকৰ পৰামৰ্শ অনুসৰিহে  ভেকচিন লোৱা উচিত। 
• যিসকল লোকে কোভিড-19 চিকিৎসা হিচাপে তেজৰ প্লাজমা বা মনোক্ল'নেল এণ্টিবডী প্ৰাপ্ত কৰিছে বা যোৱা ডেৰ মাহত সংক্ৰমিত হৈছে তেওঁলোকক এতিয়া ভেকছিন গ্ৰহণ নকৰিবলৈ পৰামৰ্শ দিয়া হৈছে। 
• যদি আপোনাৰ বয়স বেছি হোৱা নাই আৰু স্বাস্থ্যৱান, তেন্তে কৰোণা ভেকচিনৰ পৰা কোনো বিপদ নাই। অৱশ্যে, যদি আপোনাৰ বয়স 45 বছৰৰ অধিক হোৱাৰ লগতে আগৰে পৰা থকা চিকিৎসাজনিত কিছু সমস্যা যেনে উচ্চ ৰক্তচাপ, ডায়েবেটিচ, বৃক্কৰ ৰোগৰ দৰে সমস্যা আছে,  তেনেহ'লে  ভেকছিন  গ্ৰহণ কৰাটো সুৰক্ষিত হয় নে নহয় চিকিৎসকৰ পৰামৰ্শ গ্ৰহণ কৰাটো প্ৰয়োজনীয় । 
  

লগতে পঢ়ক - আয়ুৰ্বেদ অনুসৰি কৰোনাৰ দ্বিতীয় ঢৌৰ পৰা ৰক্ষা পাবলৈ কি কৰিব জানো আহক | 

কৰোণা ভেকচিন গ্ৰহণ কৰাৰ পিছত কি কৰিব 

• ভেকছিন প্ৰাপ্তকৰ্তাক কিছু সময়ৰ বাবে ভেকছিন কেন্দ্ৰত বহিবলৈ দি যিকোনো তাৎক্ষণিক গুৰুতৰ এলাৰ্জিক প্ৰতিক্ৰিয়া নিৰীক্ষণ কৰা হয়।  
• তেওঁলোকৰ কোনো সমস্যা হোৱা নাই বুলি নিশ্চিত হোৱাৰ পাছতহে যাবলৈ অনুমতি দিয়া হৈছে । ভেকছিনৰ ফলত  বিষ আৰু জ্বৰৰ দৰে পাৰ্শ্বক্ৰিয়া দেখা দিব পাৰে । এইটো এক সচৰাচৰ কথা । 
• ভয় কৰিব লগীয়া একো নাই।   ভেকচিনৰ ফলত চৰ্দি আৰু ভাগৰৰ দৰে আন কিছুমান পাৰ্শ্বক্ৰিয়া থাকিব পাৰে, কিন্তু সেইবোৰ কেইদিনমানৰ ভিতৰতে আঁতৰি যায়।
• কৰোনা ভেকছিন গ্ৰহণ কৰাৰ পাছতোও আমি বৰ্তমান অনুসৰণ কৰি থকা নিয়মবোৰ (যেনে মাক্স পিন্ধা, ছয় ফুট দূৰত্ব ৰখা আৰু হাত ধোৱা আদি) নিয়মবোৰ পালন কৰা প্ৰয়োজন।    

মনকৰিবলগীয়া আন কিছু গুৰুত্বপূৰ্ণ কথা  

• দৰাচলতে, ভাইৰাছৰ বিৰুদ্ধে সুৰক্ষা গঢ়ি তুলিবলৈ সাধাৰণতে শৰীৰটোক  টিকাকৰণৰ কৰাৰ পাছত কেইসপ্তাহমান সময় লাগে ।  
• ইয়াৰ অৰ্থ হৈছে যে কৰোণা ভেকচিন লোৱাৰ ঠিক পিছতোও এজন ব্যক্তি কোভিড-19-ৰ দ্বাৰা সংক্ৰমিত হ'ব পাৰে, কিয়নো ব্যক্তিজনৰ ৰোগ প্ৰতিৰোধ ক্ষমতা বিকাশ কৰিবলৈ পৰ্যাপ্ত সময় হোৱা নাই । সেয়েহে, টিকাকৰণৰ পাছতো মৌলিক সাৱধানতাসমূহ অনুসৰণ কৰিব লাগে। 

   

     

  "Every effort has been made to ensure the accuracy, timeliness and genuineness of the information provided here. All the content here is given only for reader's information and knowledge enhancement. We request you to contact your doctor before trying any of the remedies here."