বৰ্তমান আমাৰ অসমত কঠালৰ বতৰ । আমি অসমীয়া কঁঠালৰ লগতে ইয়াৰ গুটিও খায়ো মজা লও । কিন্তু আপুনি জানি আচৰিত হব যে যিদৰে কঁঠালে সোৱাদৰ লগতে স্বাস্থ্যৰ লাভালাভ প্ৰদান কৰে, ঠিক একেদৰেই ইয়াৰ গুটিবোৰোও আমাৰ স্বাস্থ্যৰ উপকাৰ সাধন কৰে ।
কঁঠালৰ গুটি স্বাস্থ্য সমৃদ্ধ। ইয়াৰ লাভালাভবোৰ জানি লও আহক-
- কঁঠালৰ গুটিত মেগনেছিয়াম, মেঙ্গানিজৰ দৰে উপাদান থাকে যিয়ে হাড়সমূহত কেলচিয়াম অৱশোষণত সহায় কৰে। ই তেজ গোট মৰা প্ৰতিহত কৰি ৰক্ত সঞ্চালনত সহায় কৰে।
- কঁঠালৰ গুটিত পৰ্যাপ্ত পৰিমাণৰ আইৰণ পোৱা যায় যিয়ে শৰীৰত হিমোগ্লোবিনৰ স্তৰ উন্নত কৰে। কঁঠালৰ গুটিয়ে আমাৰ শৰীৰত আইৰণৰ অভাৱ পূৰণ কৰে আৰু ৰক্তহীনতাৰ দৰে ৰোগৰ পৰা সুৰক্ষিত কৰি ৰাখে ।
- স্বাস্থ্যৱান শৰীৰৰ বাবে, পাচন তন্ত্ৰ শক্তিশালী হোৱাটো আটাইতকৈ গুৰুত্বপূৰ্ণ। এনে ক্ষেত্ৰত কঁঠালৰ গুটি আপোনাৰ বাবে সহায়ক হ'ব পাৰে। ইয়াত পৰ্যাপ্ত পৰিমাণৰ আঁহ থাকে পোৱা যায় যিয়ে পাচন তন্ত্ৰ উন্নত কৰাত সহায় কৰে ।
- কঁঠালত থকা এণ্টিবেক্টেৰিয়েল গুণাগুণে শৰীৰক বিভিন্ন ভাইৰাছ আৰু বেক্টেৰিয়াৰ পৰা সুৰক্ষিত কৰি ৰাখে । ই আপোনাৰ ইমিউন চিচটেম শক্তিশালী কৰি শৰীৰৰ ৰোগ প্ৰতিৰোধ ক্ষমতা বৃদ্ধি কৰে। ইয়াত থকা পৰ্যাপ্ত পৰিমাণৰ জিংকে ৰোগ প্ৰতিৰোধ ক্ষমতা বৃদ্ধি কৰে।
- কঁঠালৰ গুটিয়ে কৰ্কট ৰোগৰ পৰাও সুৰক্ষিত কৰে। ইয়াত থকা ফাইটোনিউট্ৰিয়েণ্ট আৰু ফ্লেভোনইডে এণ্টিঅক্সিডেণ্ট নামৰ উপাদান দুটাই কৰ্কটৰোগৰ বিৰুদ্ধে যুঁজ দিয়াত সহায় কৰে। ইয়াৰ উপৰিও, কঁঠালৰ গুটিত থকা এণ্টিকাৰ্চিনোজেনিক উপাদানবোৰে কৰ্কট ৰোগৰ দৰে ৰোগৰ প্ৰভাৱ প্ৰতিহত কৰিবলৈ কাম কৰে।
কঁঠালৰ বীজ কেনেদৰে ব্যৱহাৰ কৰিব
- কঁঠালৰ গুটি আপুনি কঠালৰ টৰকাৰি বনালে তাত যোগ দি ব্যৱহাৰ কৰিব পাৰে।
- আপুনি ৰাতিপুৱাৰ জলপানত কঁঠালৰ গুটি ভাজি খাব পাৰে।
- কঁঠালৰ গুটিবোৰো উতলাই সিজায়ো খাব পাৰি । (স্পষ্টিকৰণ : এই প্ৰবন্ধটো কেৱল সাধাৰণ তথ্যৰ বাবে লিখা হৈছে। ই কোনো ধৰণৰ ঔষধ বা চিকিৎসা কৰাৰ বিকল্প হ'ব নোৱাৰে। অধিক তথ্যৰ বাবে সদায় আপোনাৰ চিকিৎসকৰ সৈতে যোগাযোগ কৰক।)
"Every effort has been made to ensure the accuracy, timeliness and genuineness of the information provided here. All the content here is given only for reader's information and knowledge enhancement. We request you to contact your doctor before trying any of the remedies here."
No comments:
Post a Comment